Þetta eru 'engin rök' fyrir Birgittur Borgaranna

'....Stuðningsmenn ESB virðast fyrirmunað að koma með rök fyrir inngöngu, nema að vera alþjóðlegir nútímalegir, og síðan þetta með vextina og verðtrygginguna sem stenst enga skoðun.': tilvitnun í blogg...

Ég tel mig vera stuðningsmann ESB af ástæðum sem getur verið erfitt að rökræða.

T.d. Samvinna við aðrar þjóðir til hagsbóta fyrir almenning og atvinnulíf sem almenningurinn vill búa við. Hvernig á ég að sanna það að ESB sé réttur vettvangur fyrir slíkt. Bara afþví að ESB er eini vettvangur þjóða í heiminum sem býður uppá slíkt er kannski ekki nógu góð rök. Að ESB sé samstarfsverkefni evrópuríkja! Hvenær og hvernig urðu Íslendingar evrópuríki? Er ekki saga okkar grundvölluð á því að við víkingarnir flúðum ofríki evrópskrar kúgunar hingað í frjáls og óháð ríki frjálsborinna karlmanna. Síðan hefure náttúrlega ekkert breyst nema að við tókum upp peninga. Sem er þá enn eitt vandamálið. Af hverju að verja ekki okkar eigin mynt í stað þess að gangast undir ok og hörku ESB skilyrðanna sem jafnvel Svíar og Danir hafa veigrað sér við?

Hvernig á ég að geta rökstutt það að við höfum ekkert uppúr eigin krónu nema grímulaust arðrán íbúa þessa lands af hendi 'útflutningsatvinnuveganna'. Bankakerfið hefur verið galopið fyrir erlendum bönkum síðan EES en enginn vill við okkur líta þrátt fyrir 'hæstu vexti í Evrópu'. Með verðtryggingum og allt hvað eina.

Það hefur enginn trú á hagkerfi okkar enda hefur það sýnt sig að það stóðst ekki prófið. Þetta eru náttúrulega engin rök.

Svo er það framtíðarsýnin: Guð blessi Ísland. Ég er reyndar trúaður og tel að kathólska kirkjan hafi á sínum tíma verið það evrópubandalag sem bjargaði okkur frá algjöru ´hruni´árið 1000. Rökin þá voru að ein lög skyldu gilda í landinu. Til að halda friðinn. Voru það haldbær rök? En það var forsætisráðherra hrunsins sem þetta mælti og bætti því engu nýju við enda höfum við endurnýjað samning okkar við almættið reglulega. Svo guð blessi ísland verður að setja í búning raunverulegra aðstæðna einsog þeirra að fullveldi landsins hefur verið glutrað niður af okkur sjálfum með óarðbærum bankarekstri. Ekki kenna EES um það, við gerðum það allt sjálf.

Því miður setja menn sig í þær skotgrafir að Íslendingur sé einungis sá sem kann þjóðsönginn, tungumálið og styður einokun fyrirtækja í sjávarútvegi framar réttlæti almennings óháð kynþætti og kynfærum hverskonar. Að lýðræði sé það sem Sjálfstæðisflokkurinn og Birgitta Borgaranna ákveður á hverjum tíma að sé lýðræðislegt. ESB sé verkfæri djöfuls sem dragi út úr okkur íslendinginn með glóandi töngum og hafi yfirráðastefnu að sjúklegri nautn til að komast yfir auðlindir okkar. Á með hið eina rétta sé að Íslendingar eigi að sjálfsögðu að hafa fulla heimild til komast í fé og gæði ESB og allra annara landa og þjóða í heiminum.

Ég sé þetta bara ekki svona. Íslendingar munu vera það svo lengi sem þeir vilja og búa hér svo lengi sem þeir una sér. Það er algerlega á þeirra sjálfra valdi að gera það. ESB gerir ekkert svoleiðis fyrir neinn enda ekki markmið sambandsins að taka yfirráðin af neinum. Að menn verði að fara að sameiginlegum reglum og skilja þær og skilgreina af kunnáttu er náttúrulega minnsta krafa og undan því getum við ekki gengist hvort sem er. Fyrir mér eru fiskimiðin ekki sú heilaga kýr að ég sjái henni ver ráðstafað innan ESB en innan íslenskrar hagsmunaklíku sem er á góðri leið með að afhenda téð fiskimið í veðsettum skuldum. Íslenskir bændur og kýr þeirra munu finna sínar leiðir. Fyrst einokunarbandalag Bónus og Krónunnar hafa ekki ráðið niðurlögum bænda nú þegar verður þeim ekki frekar hnikað innan ESB. En þetta eru ekki rök.

Það er rökleysa að halda því fram að Ísland sé nútímalegt evrópuríki sem vill þróast í sömu átt og eftir sömu lögmálum og þau. Að ísland sé ekki nógu fullburða, framsýnt og fjársterkt til að kosta og viðhalda slíku ferli af sjálfsdáðum þó að vilji væri fyrir hendi. Það er rökleysa að halda því fram að erlendar stofnanir geti verið okkur jafn hliðhollar og þær innlendu. Það er rökleysa að álykta að við getum orðið stærri og sterkari í samvinnu við aðrar þjóðir frekar en að gera allt sjálf jvafnvel það sem við vitum að við þjóðin hefur ekki bolmagn til. Að ESB er tilraun til að stilla saman krafta margra ólíkra þjóða. Að þetta er djarft og þarf virka stjórnmálamenn á að halda til frambúðar að heppnist. Þetta er ekki bandalag svefngengla. Að Ísland ræður ekki við stóriðjustefnumál, orkumál og mengunarmál eitt og sér er ekki heldur rök.

Hvernig ætlum við að sætta okkur við að breyta stjórnarskránni til þess eins að afhenda hluta fullveldisins til stofnana ESB? Rök við þessu takk. Auðvitað eru rökin þau að með 'framsali fullveldis' yfir lagasetningu sem lýtur að sameiginlegum grundvelli allra er ekki afsal fullveldis í raun heldur staðfesting á því að við höfum það. Reyndar með öðrum. Snúið? En ekki svo galið. Það er galin hugmynd að við getum varið fullveldi einsog stórveldi. Það finnst mörgum ESB andstæðingum gild rök að VIÐ EIGUM AÐ RÁÐA ÖLLU SJÁLF þó það kosti okkur landið, miðin og að lokum sjálfstæðið og lífið. Það finnst mér stú-pidd. Hugnmyndin að til sé ævarandi, óhrekjandi og óskorað fullveldi er lýðskrum af versta tagi. Fullveldi má til dæmis aldrei ganga gegn mannréttindum sem eru heilagari.

Pólítík er ekki alltaf svo rökræn. Hún er bæði og. Ef hún heppnast þá koma rökin einsog eftirá. Þangað til er þetta bara tilgátur, trú von og kannski kærleikur.

Verðum að treysta

lífræðingum okkar til að skoða hvert mál og umsókn útaffyrir sig. Þegar kemur að erfðabreytingum er hægt að taka grundvallarákvörðun um að leyfa aldrei slíka ræktun undir neinum kringumstæðum. Ástæðan er augljóslega sú að við viljum ekki menga náttúru íslands frekar en orðið er og að nauðsynjalausu. Þá þurfum við ekki sérfræðinga til að skoða málin. Þetta er stefna sem svipar til þess að banna fóstureyðingar með öllu undir öllum kringumstæðum. Réttur til lífs hvernig sem það er til komið og hvern sem það varðar er þeim rétti óviðkomandi. Hreinræktarstefna í landbúnaði ekkert "minna mál" í þessum skilningi og ég get virt skoðanir þeirra sem hafna erfðabreyttum matvælum bæði fyrir sitt leyti sem neytenda og sem þegna gegn mengun náttúrunnar. Þar se ríkisvaldið mun aldrei taka slíka einarða afstöðu verðum við að treysta á líffræðingana. Þá kemur inn mannlegi þátturinn og blessuð spillingin þegar hagsmunir fyrirtækjanna eru meiri en borgaranna. Svo fyrirsjánlega endar þetta með ósköpum.....

Ætlar að rækta erfðabreytt bygg á Íslandi

Flokkur í blindgötu

Enn eitt dæmið um ráf Sjálfstæðisflokksins fram og aftur blindgötuna. Líklega í boði Megasar. AGS getur ekki staðið í samningum við ES um að Íslendingar taki upp Evru eða neina aðra útúrsnúninga sem flokkinum eina dettur í hug.

Ef menn vilja taka upp Evru tekur það ferli aðlögun enda um að ræða breytingar á efnahagsumhverfi sem eru skilyrði slíkra breytina. Slíkar breytingar á efnahagsumhverfi eru svo nauðsynlegar að þær mega ekki bíða. Evran er auka atriði og bónus miðað við það.

Ég fyrir mitt leyti styð Samfylkinguna af því að þeir eru á jörðinni og vita að minnsta kosti hvað er hægt og hvað er út úr kú og á ekki að eyða tíma í að pæla í.

Vilja upptöku evru í samvinnu við AGS

Fullveldi Íslands verður aðeins tryggt með ESB aðild

Kostir þess að vera í ESB eru fyrst og fremst pólitískir möguleikar sem opnast með betra og gagnkvæmara regluverki á milli þjóða. Það á síðan að leiða til þess að auðveldara sé að halda í stöðugleika ef það er haldið rétt á málum og stöðugleiki það sem menn vilja.

Engu að síður er hægt að koma sér í stór vandræði með vitlausum pólitískum ákvörðunum og það tekur ESB ekki frá neinum enda öll ríki fullvalda og sjálfstæð bæði að efla sinn hag eða fara sér að voða. ESB hefur ekki á stefnu sinni að vera neitt annað  en bjúrókratía á yfirþjóðlegu plani. Halda utanum og setja skorður ef það má koma í veg fyrir misklíð og ósætti. Það er hinsvegar ekki samtök um sameiginlegt skipbrot.

Ekkert fer í raun í gegn sem er óviðsættanlega andstætt einstaka þjóðríkjum. Það hafa þjóðaratkvæðagreiðslur sýnt. Hinsvegar fer það í taugarnar á hinum sem vilja smurðari vél að sandi sé stráð í tannhjólin.

Margt sem hefur verið metnaðarmál evrópubandalgssmiðanna hefur verið slegið út af borðinu. Svokölluð sjórnarskrá sem átti að vera til einföldunar var slegin af. Mastricht sáttmálinn á að koma í staðinn enda þótt hann sé bara lausbeislað plagg miðað við hátimbraða stjórnarskrá. Sáttmálinn er einskonar "update" af þeim samþykktum sem eru taldar mikilvægar og eigi við til frambúðar og þar með hreinsað af fyrri samþykktum sem talin eru úreltar. Sem sagt allt er þetta spurning um praktíska úrlausn hvaða bjúrókratíu sem er og ég bið menn að fara ekki að hneykslast á því að bjúrókratían sé mikil í ESB. Bjúrókratía er eitthvað sem við getum ekki án verið ef reka á einhverja starfsemi þjóðlega eða yfirþjóðlega annað er fáranlegt. Það er útópía. Jafnvel litla Ísland er bjúrókratía. Mér finnst það vera ESB fyrirbærinu til sóma að endurskoðendur neita að skrifa undir fjárlög sambandsins vegna órekjanlegra útgjalda. Betra að endurskoðendur íslenska ríkissins hefðu bein í nefinu til að gera það sama.

Hinsvegar garanterar ESB ekkert velferðarríki ef hið sama ríki vill ekki vera það. Sjálfstæði þjóða er alveg tryggt. ESB hefur engin plön eða áætlanir uppi um hvernig eigi að taka yfir stjórnir ríkja eða auðlindir þeirra. Allt slíkt er aumur áróður.

Auðvitað verða samt nýjar bandalagsþjóðir að uppfylla ákveðin skilyrði einsog að samþykkja lágmarks samnefnara regla sem einskonar standard sem ekki má vera lægri. T.d. eru dauðarefsingar ekki leyfðar innan sambandsins þó t.d. Bretar myndu gjarnan vilja endurvekja þær. Ef þeir gerðu það þýddi það úrsögn úr ESB. Undanþágur eru ekki leyfðar til að koma í veg fyrir algert stjórnleysi að sjálfsögðu.

Hvað þá með fiskimið Íslendinga? Þau verða undir stjórnarfarslegri ábyrgð ESB en framkvæmdastjórnin á notkun miðanna verður framseld Íslendingum með þeim sjálfsögðu skilyrðum að fara vel með auðlindina og af sanngirni. Það mun hinsvegar ekki vera svo einfalt á litla Íslandi í raun. Ég hef meiri áhyggjur af okkur gagnvart okkur en ESB gagnvart okkur.

ESB er hluti af alþjóðasamfélaginu og hagkerfi jarðar efnahagslega og umhverfislega og mun ALLDREI gera betur en aðstæður leyfa. Þetta er hluti jarðar en ekki himnaríki eða eitthvað þaðan af verra - helvíti.  

Aðild Íslenska lýðveldisins mun tryggja framtíð þess. Þjóðin verður að styðja lýðveldið sitt með því að taka heilshugar þátt í þessu mikilvæga verkefni sem er stærra og mikilvægara en margir geta séð fyrir sér. Að gera hlutina með hangandi hendi og af hálfum hug einsog EES samningurinn leyfir verður okkur bara til tjóns. Að ganga úr EES dettur engum í hug hvort eð er sem vill landsmönnum vel. Svo það er engin leið til baka.

Vá ég hef hælt evrópusambandinu án þess að minnast á Evruna! Hún skiptir nefnilega minna máli en menn kunna að halda. Aðeins ef menn fara eftir skilyrðum upptöku Evrunnar verður hún mikilvæg. Það er leiðin en ekki markmiðið sem helgar Evruna. Bara að við hefðum umgengist krónuna af slíkri ást og virðingu. 

Flokksmálgagnið

Ég ákvað að gefa nýjum eigendum morgunblaðsins séns. Nú finnst mér að markmið þeirra séu skammtíma markmið. Þeir ætluðu að ná sér í málgagn fyrir sjálfstæðisflokkinn fyrir þessar kosningar. Mátti ekki á tæpara standa. Eftir að hafa fylgst með forustgreinum og uppsetningu greina í blaðinu finnst mér / þetta er órökstudd tilfinning mín/ að blaðstjórnin ætli að þjóna hagmunum sjálfstæðisflokksins fyrst og fremst. Af þeirri ástæðu varð ég samvisku minnar vegna og gegn vilja að segja upp áskrift að blaðinu. Get ekki hugsað mér að fjármagna kosningavél eins flokks þó hann sé eini Flokkur landsins sem stendur undir því nafni. Mér segir svo hugur að þegar kosningarimmunni lýkur þá verði nýju eigendurnir að fara í gjaldþrot enda markmiðið ekki langtíma blaðamennska hjá þessum harðsnúna hópi "fjárfesta". Þá get ég aftur orðið áskrifandi vonandi að eina áskriftarfréttablaði þjóðarinnar. Vonandi verða nýjir eigendur sér meðvitaðir um að þeir verði að hafa breiddina í þjóðlífinu með sér en ekki einhverja flokksklíku hagsmuni að ljósi leiðar sinnar..... sá tími er liðinn.....

Siðleg ávöxtun?

Það er mér óljóst hvaðan milljarðarnir eru fengnir. Ef hagnaður fyrirtækisins hefur þetta í reiðufé sé ég ekki að HB Grandi sé í vandræðum með launagreiðslur yfirleitt. Mig vantar skýringar á því hvar í rekstrareikningi þessir milljarðar poppa upp. Var tekið lán fyrir arðgreiðslunum? Það tel ég vera næsta víst og síðan á "fyrirtækið" að borga vextina og afborganir af því á næstu árum. Þetta er gert í samráði við bankana sem þurfa að "losa fé" skuldunauta sinna þó það verði bara tímabundið. Þá skýrist betur þröng staða fyrirtækisins í rekstri. Hér þarf rannsóknarblaðamenn í málið. 'O fyrirgefið þeirra laun eru borguð af??? Nei hér þarf ekkert að rannsaka frekar.

Atvinnurekendur reiðir Jóhönnu

Sigurpálsson....?

Ingimundur er Friðriksson......svona missagnir eru hvimleiðar og blaðamenn verða að hætta að skrifa eftir minni... þeir hafa ekkert langtímaminni hvort eð er.....

Ekkert drama í viðskiptanefnd

Stjórnarslit og Ingibjörg Sólrún hlýtur að segja af sér formennsku

Þegar svo er komið að Reykjavíkurfélag Samfylkingarinnar vill stjórnarslit vona ég að endalok þessarar ríkisstjórnar séu sannarlega staðreynd ekki síðar en í fyrramálið. Staða Samfylkingarinnar er hinsvegar afar veik vegna skorts á forystu sem getur tekið að sér að leiða flokkinn næstu árin. Ingibjörg Sólrún er sjúklingur og þarf að taka því. Skiljanlega sýnir hún ekki innsæi til að horfast í augu við þann raunveruleika ef rétt er haft eftir Geir Haarde um samtal þeirra fyrr í dag. Þetta er hið sorglegasta mál og ef samfylkingarfólk getur ekki leyst úr forystuvanda sínum um leið og stjórnin fer frá þá fara mörg atkvæði annað í komandi kosningum. Vonandi að tilboð Framsóknarmanna hafi haft tilætluð áhrif og ný starfsstjórn sé þegar komin á laggirnar í nótt til að taka við. En að mínu mati ber Ingibjörgu Sólrún að segja af sér. Það var óheppilegt og mikið ólán að hennar hafi ekki notið við þegar mest á reið en nú er of seint fyir hana að gera "comeback" í stjórnmálin einsog allt hefur þróast. Því fyrr sem stuðningsmenn hennar gera sér grein fyrir þessu þeim mun betra fyrir hana og fjölskyldu hennar. Þeir sem eftir eru í samfylkingarforystunni er mislagnir við pólitíska handavinnu. Enginn augljós leiðtogi er í sjónsviðinu. Össur er ekki maðurinn til að taka við og Ólafur hefur ekki þá reynslu að ég treysti honum. Ég myndi leita að konu til leiðtogastarfans. Þið verðið að hjálpa mér.

Samþykktu ályktun um stjórnarslit

Stjórnmálaþokan

Það birtir ekki til í lognmolluþoku stjórnmálanna. Engin vill þjóðaratkvæðagreiðslu um "aðildarviðræður". Kosningar um stjórn landsins er það sem í raun er á döfinni. Allt annað er tilraun til að drepa málunum á dreif. Geir Haarde talar einsog Steingrímur J í þessu máli. Ég er alveg hættur að sjá muninn á VG og Sjálfstæðisflokknum en VG samþykktu álíka þoktal á sínum landsfundi. Aðildarviðræður og undirbúningur þeirra á að vera stjórnmálamanna að ákveða. Skýr markmið er líka þeirra að setja fram. Þjóðin hefur ekkert um að kjósa fyrr en þetta liggur allt fyrir að samningsniðurstöðum framsettum. Áður en það gerist verður þjóðin að hafa kosið um breytingar á stjórnarskránni sem veitir umboð til samningsgerðarinnar og lögmæti samþykktarinnar sé óvéfengjanlegt og hugsanleg höfnun skýr og afdráttarlaus. Allt er þetta pólitísk handavinna. Ég sé ekki að Geir Haarde sé að vinna þá vinnu sína. Þetta útspil sýnir gerla að Sjálfstæðisflokkurinn er að fara úr límingum sínum og hefur ekki jarðsamband.

Umsókn í þjóðaratkvæði?

Haarde á BBC vef http://news.bbc.co.uk/2/hi/business/7784354.stm

Það er fróðlegt að lesa viðtal við GH á vef BBC í dag. Ráðlegg mönnum að kíkja á það. Mér finnst erlendir blaðamenn spyrja af kunnáttu og svörin blasa þá við með dálítið holum hljóm. Annars endar viðtalið á frösum einsog "við höfum lent í kreppu áður og alltaf komið sterkir til baka" sem er pínulítið vandræðalegt svona þegar mönnum verður annar frekar svarafátt.

http://news.bbc.co.uk/2/hi/business/7784354.stm

Aðspurður um málsókn svarar GH: "We are looking at whether or not the action of the FSA (Financial Services Authority) led to the collapse of Kaupthing, Singer and Friedlander in the UK, which in turn led to the collapse of the mother bank here in Iceland," he says. - frekar þokukennt.

og niðurstaða blaðamannsins er: Of course, Mr Haarde's talk of court action may be no more than sabre-rattling, as talks between the two sides continue on unravelling the tangle of assets and liabilities held by Iceland's banks and their subsidiaries. - þeir fá svo sem ekkert meira útúr Geir en aðrir en þora að leggja mat á það sem hann segir og hafi þeir þökk fyrir.